Seyed gegrüßt, Fräöünde des guaden Geschmaggs.

Seid nun mehr 441 Joahren geits die Hex ausm Schbessard und ihrem Gehilfen.

Ihr habd uns jedzerd erscht gfunne. Und den guada Gschmagg aach.

Leider könne mer Euch so net brobier lass, weils hald net geht übers weltweide Netz.

Ey vielleicht habds Ihr uns ja doch scho gfunne ufm Margd irgendwo da drausse in der weide Welt und wisst, wie guad unser Zeuch is.

Wenn ned, dann fracht uns halt, aber wir sache gleich, bei uns is alles guad.

Gsammeld wern alle Kräuter, die helfen und guad schmegge und alle Frücht.

Viele san scho wieder vergessn von Euch.

Die Schlüsselblume tut guad, wenn der Hals weh tut, und Holler is sowieso gsund. Des wisser mer ja.

Der Wegerich hilft sogar beim Kinnergrieche (sachn die ganz Alten) und die Brennessel geit die Milch dazu. Doch beim Rheuma hilft sie a noch. Aan Salad mitterer und an Löwenzahn mit bei schmeckt fei guad. Der Löwenzahn kann fei aa viel. Der machts Blut sauber und schickt Dich a oft uffs Klo.

Die Schafgarbe hilft, wenns der Fraa im Monat mal gscheid weh tuad.

Mit der Schlehe kannsde schwitzen und die Heidelbeer hilft, wenn der Bobbes pfeift, sowie die Walnuß aach. Und wenn der Bauch nix schaffe will, brauchst n Apfl oder Traubn.

Manche Früchte schmecken auch einfach nur guad. Und mit Gewürzen und erlesenen Alkoholikas noch besser.

All das bekommst Du bei uns im Glas oder prozentig in Flaschen.

Haben wir Eure Neugierde geweckt, dann fracht mal nach, oder noch besser, besucht uns und bringt a Eikäffduddn mit.

Wenn Ihr wissn wollt, wo Ihr uns findet, dann schaut fei mal in unnern Dourenblaner nach.